السلام عليكم ورحمة الله وبركاته
النهاردة جبتلكم اسرار بالهبل من اسرار الشباب
عشان بس مايتريقوش علينا هم كمان ليهم فضايح ياما
واليكم:
1-الشب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .
2-
الشب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .
3-
ممكن الشب يعجب بيكي للحظة و ينساكي بعديها ولا كأنه شافك قبل كده .
4-
لما الشب يقولك انا مش قادر افهمك هوا يقصد ببساطة انو أنتي مبتفكريش بطريقته أو زيو .
6-
صحيح
ممكن الشب تكون عينه زايغة على البنات اللي رايحة و اللي جاية بس صدقيني
قبل ما يجي ينام بيفكر في البنت اللي بيحبها و يحب يبقى آخر صوت سمعته
ودانه قبل ما ينام صوتها .
7-
لما الشب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله) .
8-
ابتسامة فرح جميلة منك بالدنيا واللي فيها عند الشب .
9-
الشب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .
10-
الشب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .
11-
لما الشب يقولك انو عايز يقابل اهلك اوعي ترفضي بل بالعكس شجعيه و اققفي جمبه في المعركة عشان تحسي بحلاوة النصرههههههههههههههه .
13-
على فكرة الشب بيعيط (مهما بان جامد و قوي مهوا بني آدم برضو) فراعي ياحاجة.
14-
لما تبقي في بداية علاقة متستعجليش على انك تضايقي الشب عشان تتخانقوا ..........صدقيني هتتخانقوا هتتخانقوا .
15-
الشب ميعرفش يحلم و يتأمل كتيير زيك و معدوش صبر عايز كل اللي يتمناه يتحقق في ثانية .
16-
الشب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .
17-
لما توصلي لقلب شب أنتي كده دخلتي سكة مفيهاش رجعة (دخول الحمام مش زي خروجه) .
18-
اوعي تدي شب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوييييييي عن اللي في دماغك
.
19-
الشب بيتجنن لما بيلمس ايدك .
20-
الشب لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه
21-
لما الشب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه .
22-
قولي للشب أنتي عايزة إيه منه بالزبط من الاول قبل ما تقع الفاس في الراس و بعدين يقول باريت اللي جرى ما كان .
24-
الشب بيكره الشب الفافي .
25-
الشب بيموت في مامته (يعني كلوا الا هيا) .
26-
الشب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .
27-
متستبعديش ان الشب ممكن يفكر في بنت معجبة بيه بس ده مش معناه ان حضرته مغرم بيها .
28-
مستحيل تفهمي الشب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .
29-
الشب لو قالك بحبك مرة واحدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .
30-
حاسبي ........ الشب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .
31-
زي ما حصل مع امنا حوا و ابونا آدم أنتي نقطة ضعف الشب (استغلي المعلومة دي كويس هههههههههه ).
32-
صح انك تجربي الشب الأول قبل ما تصدقي كلامه بس متسيبيهوش مستني كتير برة دائرة ثقتك .
33-
الشب غالبا بيبقى صريح قوي لما يجي يتكلم عن نفسه .
34-
مفيش شب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله.
36-
الشب بيحب البنت المحترمة حتى لو مكانتش أمورة للدرجة .
37-
انتيمتك (صديقتك العزيزة يعني) اللي
الشب بيلجألها لو حب يعملك مفاجأة مثلا أو في مشكلة بينكوا وعايز حد
يتوسطله مش بعيد ابدا يحبوا بعض هما اللتنيين و تخسري اللتنين حبيبك و
انتيمتك (وكدة 1000 مبروك خرجتي أنتي من مولد بلا حمص ايد ورا و ايد قدام ) .
38-
الشب لو شكالك همه و حكالك عن مشاكله هوا مش عايز منك غير انك تسمعيه واوعي تعملي فيها ام العرييف و تنصحيه في نفس ذات اللحظة انما بعديها ممكن .
39-
حركة لا إرادية الشب بيعملها فيكي لما تكوني أنتي حبيبته يفضل يضايقك و ينرفزك و يغيزك و يعلق على كل كلمة تطلع من بقكك .
40-
الشب لو حبك و كنتي مرطبتة هيلاقي 1000 ملون طريقة يبعدكوا فيها عن بعض و يخليكي تحبيه ( فخلي بالك ) .
41-
الشب بيحب البنت اللي عندها حاجة اسمها عقل مش البنت اللي بتلبس ( مينيي سكرت ) .
44-
الشب غالباً عمروا ميتآمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .
45-
الشب دماغه مبتهداش على طول بتودي و تجيب مبيبطلش تفكير ابدا .