محدش يقولى خطوه جديده فى حياه تامر الفنيه لكسب شريحه جديده من الجمهور

محدش يقولى

امبارح وانا قاعد على النت لاقيت ناس بتكلمنى بتقولى خش تامر هينزل اغنيه جديده كمان نص ساعه على الافم ام

على طول جريت على الجهاز وفتحت لينك الاف ام علشان اسمعها بصراحه اول ما الناس قالولى على اسم الاغنيه استغربتها اوووى

توقعت انها هتبقى اغنيه عاديه مافيهاش اى جديد لانها سنجل مش تبع البوم لتامر يعنى المهم دخلت سمعتها اول مره

لاقيت نفسى مسبهل قدام الجهاز ونسيت حتى انى انزلها على النت واول حاجه لفتت نظرى ليها وبصراحه الكلام بتاع الاغنيه

تامر كان فى ناس كتيره اوى من جمهوره القديم بتزعل منه لما بيقول كلام جرئ شويه لكن انا عن نفسى كنت بحبها اوى

المهم يعنى فى الاغنيه ديه تامر قالكوا طب استنوا انتوا مضايقين من بعض كلام اغانيا طيب انا هعملكوا اغنيه ناجحه وبالستايل اللى انتوا عايزينه كمان

والله عارف ..
ألي خلقها خلق غيرها
عشان انا مش شايف غيرها
وصعب أني اعيش بعدها
لايمكن هسيبها كبيري حشوفها وهعتبها
وعشان من قلبي حببها
مابزعلش يوم منها ..

تامر فى المقطع ده وصف احساس ملايين من الشباب كلنا ساعات بتحصل مشاكل بيننا وبين حبايبنا وبنقعد نقول مش هنكلمهم و و و

لكن بمجرد ما بنشوفهم قدامنا او بنسمع صوتهم بس بنقعد معاهم وبننسى كل حاجه وبنعاتب بعض ومش بنقدر نمشى غير لما نكون متصالحين مع بعض

تامر وصف الاحساس ده فى الاغنيه لخص احساس ملايين الشباب من جمهوره وغير جمهوره فى اغنيه
ماكملتش الـ 5 دقايق

وهنرجع ليالي بعدي عنها بتوجع
وفي البعد عمري ماينفع في ليله ابيع حبها
بتألم وساكت ومش بتكلم
ونفسي عليها اسلم
قولولها اني مشتاق لها

المقطع دة بالذات بقى انا لما سمعته والله حسيت بـ رعشه فى جسمى كله من كتر جمال المقطع ده حست تامر فيها بيقول المقطع ده بصدق اوووى

حسيت انه عايز يقولنا مفيش الم اكبر من الم فراق الحبيب وعمر ما حد هيقدر يبيع حب حد ابدا ومهما اتألمت هتفضل ساكت

بيقول للناس انا نفسى بس حد فيكوا يقولها انى بحبها ومشتاق ليها يمكن تحن

ياااااااااه يا تامر

واللحن لوحده دة عايز توبيك حتى الافتكاسات الجديده اللى تامر عاملها فى طبقات الصوت بتاعته فى الاغنيه ديه بجد حاجه ولا الاحلام

الطريقه ديه كل المطربين بتقولها فى الاغانى الفوكال بس عمر ما حد فكر يعملها فى اغنيه لانهم بيخافوا من رد الفعل

لكن تامر عملها بجد ونجحت نجاح كبير اوى انا نااس داخله على الميل تقولى قطعلنا الحته بتاعت صوت تامر ديه علشان نحطها رنه

الاغنيه انا مش هقول فيها اكتر من كدة لكن كل اللى هقدر اقوله ان تامر ابدع فيها يمكن كل اغانى تامر كوم والاغنيه ديه كوم تانى خالص

ماتتصوروش فرحتى بـ ناس كانت بتقولى تامر انا مابقتش احبه و و و لكن لما سمعوا الاغنيه داخلين بيقولولى تامر ابدع بجد فيها

بجد يا تامر الاغنيه رجعت ليك شريحه كبيره اوى من جمهورك اللى كان بيحبك وبيعشقك بدرجه جنونيه وحبب عشاقك فيك اكتر واكتر

انا عارف انك بتابع كل كلامنا وعارف اد ايه انت بتبقى ملهوف انك تعرف رأينا فى اى حاجه جديده بتنزلها ودة السبب اللى بيخلينى انزل التوبيكات ديه

بجد الاغنيه انا من الساعه 4 الفجر لحد دلوقتى وانا عمال اسمها فيها وعمال اعيد وازيد فيها لحد ما حفظتها وبرده مش قادر اشغل اى اغنيه غيرها