mody elfares V.I.P
contributions : 964 P.Excellence : 54296 Date of Birth : 20/11/1993 Date of join : 20/10/2009 Age : 30
| موضوع: ( في حب مصر ) 11/12/2009, 11:49 pm | |
| ازيكم يا رب تكونوا بخير النهارده جبتلكم تاني قصيده من تاليفي في حب مصر بجد يهمني رأيكم ********************* *وطني مصر* هنسكت تاني ليه ؛ ده احنا يا ما سكتنا كتير وناويينه تاني ليه ؛ ده اللي حصل مش قليل ولا احنا عشان مصريين ؛ اذكيه وعصريين يبقي نشيل أخطاء الغير ؛ ونقولهم متشكرين ؟ عارفين ان احنا الاصل ؛ وان احنا أساس العصر بس اللي يزعل حد ؛ لا يمكن يزعل مصر الاولي وقلنا سماح ؛ وقلنا نداوي الجراح لكن التانيه هنبقي مداس ؛ للجاي واللي راح هيقولوا ده أخ عزيز ؛ ولازم نكتم الغيظ بس اللي يجرح أخوه ؛ يبقي أكيد ميساويش ده اللي حصل عمره ما كان ؛ ولا هيبقي من الماتشات دي كانت سياسه دوله ؛ وكان ناقصها رشاشات واحنا يا مصريين ؛ واقفين كده شاهدين علي اللي بيحصل واللي هيحصل ؛ وحالفين ممتحركين قولولي امتي مره ؛ هنبقي كده عاقلين ونقف وقفه واحده ؛ ده احنا شعب بالملايين بدل ما احنا كده ؛ عايشين متخفيين واحد خايف يطلع ؛ لحسن حد يدوس عليه واللي يقولك أنا مالي ؛ ويبص تحت رجليه ويقولك سيبني في حالي ؛ وخليني في اللي أنا فيه بس احنا مصريين ؛ عاقلين متحضريين لو خدنا خطوه واحده ؛ هيجي بعدها ملايين والعالم كله يعرف ؛ اننا موجودين ونغير حتي الكون ؛ بس لو احنا عايزين ومصر ترجع تاني ؛ زي ما كانت زمان حاكمه العالم الاسلامي ؛ ونفوذها في اليونان والكل يوطي ليها ؛ ويضرب تعظيم سلام ويقولوا دي الحضاره ؛ ودي موطن الاديان أكيد ده اللي هيحصل ؛ وتثبت بكره الايام بس احنا ناقصنا اراده ؛ وخطوه للأمام دي مصر قويه أبيه ؛ وحره من زمان واللي يقول غير كده ؛ يبقي أكيد انسان جبان يبقي مشافش الحضاره ؛ ولا عمره شاف حنان دي مصر أم الدنيا ؛ وهي الامن والأمان وهي بأيدها الحرب ؛ بس بتبني السلام وأنا فخور اني مصري ؛ ومصر ماشيه للأمام الي العلا يا بلادي ؛ الي الرخاء والسلام **************************** يارب تعجبكم | |
|